COLAMINA - fullkomin  blanda af stein- og snefilefnum. 100 stk. í pakkanum.

COLAMINA - fullkomin blanda af stein- og snefilefnum. 100 stk. í pakkanum.

Venjulegt verð 5.995 kr

Fullkomin blanda af náttúrulegum stein- og snefilefnum sem unnin eru úr kalkþörungum og plöntuefnum og henta þau afar vel fyrir okkur mannfólkið vegna mikillar upptöku. 

Colamina er afar fjölbreytt steinefnablanda sem samanstendur af tveimur náttúrulegum jarðefnum:

-Fyrst skal nefna kalkþörunga* af Lithothamnion ætt sem fengnir eru úr jarðlögum undir Norðursjónum en þessi einstaki steinefnagjafi úr hafinu inniheldur mikið af kalki og magnesíum  sem frásogast afar vel í mannslíkamanum. Þessi kalkþörungur er sjávarjurt sem er náttúrulega rík af steinefnum og auk kalks og magnesíum er að finna 72 önnur stein- og snefilefni sem líkaminn þarf á að halda.

-Hinn hluti blöndunnar er s.k. steinefna örsvif sem fengið er frá Utah, en það er eini staðurinn á jörðinni sem það fyrirfinnst. Þessi auðlind varð til fyrir um 100 milljónum ára þar sem nokkur hundruð plöntur uxu í afar frjósömum jarðvegi, eitthvað sem ekki finnst við núverandi aðstæður. Í þessu örsvifi er að finna 70 lífræn steinefni sem frásogast gríðarlega vel í líkamanum en þar skal helst nefna kalsíum, fosfór, kalíum, natríum, magnesíum, brennisteinn, joð, selen, kopar, sink, bór, króm, mangan, járn og margt fleira. Þetta er gríðarlega verðmæt uppspretta stein- og snefilefna sem líkaminn tekur upp að fullu leyti og vinnur úr.

*Við vinnslu á kalkþörungum eru einungis notaðar stoðgrindur þeirra sem hlaðist hafa upp á sjávarbotninum á löngum tíma. Þeir nýta hin fjölmörgu næringarefni hafsins við að byggja upp þessa stoðgrind og er einstök uppbygging þeirra ein helsta ástæða góðrar upptöku þörungsins hjá mönnum.

Steinefni eru okkur mannfólkinu nauðsynleg til að byggja upp sterk bein og tennur, til að stjórna vökvajafnvægi líkamans og til að umbreyta matnum sem við borðum í orku.

Snefilefni er samheiti yfir nokkur frumuefni sem finna má í mjög litlu magni í plöntu- og dýraríkinu. Þessi frumefni eiga það sameiginlegt að hafa líffræðilega virkni, annað hvort ein og sér eða (komplex)bundin í flóknari sameindum, svo sem prótínum. Þau gegna afar mikilvægu hlutverki og skortur á þeim hefur í för með sér hörgulsjúkdóma sem geta verið lífshættulegir ef ekkert er að gert.